近日全城討論得最熱哄哄的話題，必屬世界盃莫屬！

世界盃是四年一度的盛事，就算平日唔睇波的長者、先生、女士及小朋友等，紛紛都來湊熱鬧。我們的生活規律也被賽事的時間而打亂了。不論是茶餐廳、酒吧、商場，甚至係戲院都有播放賽事，而大街小巷也在討論著那一隊狀態最好、那一個入球最靚以及那裁判的不公平等等。

世界盃是一項世界性的活動，它將不同的國家結連起來，彼此交流。另在，在家庭的層面中，世界盃亦讓一家人多了話題，多了一個合家歡的節目。所以這四年一度的活動無論在宏觀及微觀上，都做到凝聚的功用。

這項活動本身是非常有意義的，但經過不同年代的變遷，活動便摻雜了一些不良的元素。例如：賭博、暴力 …..等等。

據報導，平和基金諮詢委員會指出本年首兩個月已收到一千五百宗賭波求助個案，數字已達到全年預期總數的四分一。而他們估計世界盃賽事越近，求助的個案會越多。

另外，亦有些報導指出， 長時間地熬夜觀看比賽而 不注重健康及飲食，可能會出現“世界盃綜合症”的情況；更可能有精神健康的問題。所以我們看世界盃，是要享受過程，積極參與，投入之餘，亦不要忽視自己的身體及與家人的關係。

一站通站長

（以上故事內容取材自真實個案，並經改編。）

係呀！睇世界盃真係睇到精神萎靡，睇完尾場雖然話４點幾，但係因為太 high ，所以都唔可以即刻瞓。日日都失眠，ｄ情緒又大上大落，我真係驚自己有精神病呀！

咪係！嗰 d 柴娃娃睇波的人就會一家大細咁睇，我地又點會呀！喺屋企睇又比老婆話嘈住ｄ仔女瞓覺，去 bar 睇又話嘥錢，你話係咪激死人呀！仲話促進家庭和諧．．冇家庭暴力都算偷笑啦！

嘩！兩位大哥真係性情中人！我知世界盃的影響真係好勁呀！大家都係求開心啫，唔好整壞自己身體．同埋，贏咗場波，輸左個家又點值得呢？

「天水圍卡卡 」，你的情況若果只係維持一段短時間都冇問題，但係若果一路持續落去，可能都要去調適一下。係天水圍天澤邨服務設施大樓 5 樓有一間中心叫“安泰軒”，電話 :2451 4369 ，呢一間中心係全香港第一間精神健康綜合社區中心，由新生精神康復會營辦，是為居住在天水圍區的居民、精神病康復者、懷疑有精神健康問題的人士及他們的家人 / 照顧者，提供一站式的社區支援及康復服務。服務對象亦包括關注精神健康的區內居民，所以我地係天水圍的居民就可以去啦！佢地的環境其既舒泰，仲有ｄ班組係教我地點樣減壓，又可以跑步，又可以整野食，總之你得閒都可以去下啦！

天水圍區好似乜都快人一步，咁我住元朗咪冇份囉？

唔係！政府已經宣佈，全港 18 區將會增設同類中心，並於本年 10 月開展服務。元朗區都會增加一間中心，元朗的 精神健康綜合社區中心 係由香港善導會營辦。佢地的聯絡地址係喺大棠路 11 號光華廣場 1003 室，電話： 3163 2873 。

亞站長，你都好 update 噃！不過我比你仲知多ｄ，因為我知道 天水圍天澤邨服務設施大樓 5 樓除了有“安泰軒”，仲有一間新中心，叫做扶康會天水圍地區支援中心，係服務一ｄ有殘疾的朋友，佢地中心都係新  ，而且又大設備又新，得閒上去行下都得嫁！

咁係咪好似安泰軒咁，元朗又有一間先 ?

元朗咁遠，我就唔知啦 ！睇下站長有冇資料啦！

多謝大家咁踴躍地介紹區內的服務，這個很重要呀！訊息要互傳先可以發放嘛！

有心人講既係殘疾人士地區支援中心，是採取以地區為本的策略，為居住在社區中的殘疾人士、其家人和照顧者提供一站式服務和支援， 全香港一共有 16 間。四哥，所以元朗當然有呢項服務啦！間中心係喺朗屏邨繡屏樓地下，由基督教懷智服務處營辦，無論你係咪殘障的朋友都可以去，做下義工都得呀！你叫多ｄ friends 去睇下呀，參觀下都好呀！